Ëmbelsirë me krem, mjedra dhe çokollatë

Ëmbelsirë me krem, mjedra dhe çokollatë

Ëmbelsirë me krem, mjedra dhe çokollatë, shumë e shijshme dhe e lehtë për ta përgatitur.

Përbërësit

130 gr miell

70 gr niseshte

120 gr sheqer

100 gr gjalp

3 vezë

1 pako të vogël vanilje

1/2 pako të vogël pluhur pjekës

350 gr krem pastiçerie

2 lugë gjelle reçel mjedre

300 gr mjedra

Copëza çokollate

How to use

Përgatitja:

Përpara se të fillojmë pregatitjen e tortës, duhet të pregatisim kremin e pastiçerisë sipas recetës që do ta gjeni këtu. Kini parasysh të përgjysmoni sasinë: pra 250 ml qumësht, 1 lugë gjelle plot miell, 3 lugë gjelle plot sheqer, 3 të verdha vezësh dhe vanilje. Kremi duhet të jetë plotësisht i ftohtë.

Përgatisim bazën :

Rrahim gjalpin me sheqerin me ndihmën e një mikseri elektrik. Shtojmë një nga një vezët, miellin, niseshten, vaniljen, pluhurin pjekës dhe vazhdojmë rrahjen derisa të kemi përftuar një brumë homogjen. E hedhim brumin në një tavë për torta të lyer me pak gjalp e miell dhe e pjekim në 180°C për 20 minuta. E lëmë të ftohet plotësisht dhe e kthejmë përmbysë.

Përgatisim tortën:

E lyejmë sipër kekun me reçel mjedre duke e shpërndarë njëtrajtësisht. Përhapim kremin e pastiçerisë tashmë të ftohur (mund të përdorni edhe puding vanilje nga ato pakot që pregatiten vetëm me qumësht) dhe sipër e zbukurojmë sipas dëshirës me mjedra të freskëta dhe fleta çokollate.

Kjo tortë mund të pregatitet me çdo lloj frute, vetëm keni kujdes që shija e frutave të freskëta dhe reçelit të jetë e njejtë.

sqAlbanian